‘യു.എൻ ഡെവലപ്‌മെന്റ് പ്രോഗ്രാം റിപ്പോർട്ട്’ പ്രകാരം, 2021-ലെ മാനവ വികസന സൂചികയിൽ, 191 രാജ്യങ്ങളിൽ 132 ആം സ്ഥാനത്താണ് ഇന്ത്യ. ദീർഘവും ആരോഗ്യകരവുമായ ജീവിതം നയിക്കാനുള്ള രാജ്യത്തെ പൗരന്മാരുടെ കഴിവ്, അറിവ് സമ്പാദിക്കാനുള്ള അവസരം, ജീവിത നിലവാരം തുടങ്ങിയ ഘടകങ്ങളാണ് മാനവ വികസന സൂചിക തയ്യാറാക്കാൻ റിപ്പോർട്ട് കണക്കിലെടുത്തിട്ടുള്ളത്. 2022 സെപ്റ്റംബർ 8 നാണ് റിപ്പോർട്ട് പ്രസിദ്ധീകരിച്ചത്.
1990 മുതൽ, 2019 വരെ ഇന്ത്യയുടെ മാനവ വികസന സൂചികയിൽ എല്ലാ വർഷവും പുരോഗതിയുണ്ടായിരുന്നു. എന്നാൽ, 2020 ൽ സൂചിക 0.003 പോയിന്റ് ഇടിഞ്ഞു. പിന്നീട് 2021ൽ
0.009 പോയിന്റിന്റെ കുത്തനെ ഇടിവ് രേഖപ്പെടുത്തി. 2019നെ തുടർന്നുള്ള വർഷങ്ങളിലെ ഇന്ത്യയുടെ മാനവ വികസന സൂചിക മൂല്യം :
2019 – 0 .645
2020 – 0 .642
2021 – 0 .633
2019 മുതലുള്ള വർഷങ്ങളിലെ ഇന്ത്യയുടെ ‘ജനനസമയത്ത് കണക്കാക്കുന്ന ആയുർദൈർഘ്യം’ :
2019 – 70 .9 വർഷങ്ങൾ
2020 – 70 .1 വർഷങ്ങൾ
2021 – 67 .2 വർഷങ്ങൾ
1990 നും 2021 നും ഇടയിൽ, ജനനസമയത്ത് കണക്കാക്കുന്ന ആയുർദൈർഘ്യത്തിൽ 8.6 വർഷങ്ങളുടെ വ്യത്യാസം ഉണ്ടായിട്ടുണ്ട്.
2019 ന് ശേഷം സ്കൂൾ വിദ്യാഭ്യാസം ലഭ്യമാകുന്ന വർഷങ്ങളുടെ കണക്ക് :
2019- 11 .5 വർഷങ്ങൾ
2020 – 11 .9 വർഷങ്ങൾ
2021 – 11 .9 വർഷങ്ങൾ
പി.പി.പി (പർചേസിങ് പവർ പാരിറ്റി) പ്രകാരമുള്ള ഇന്ത്യയുടെ മൊത്തം ദേശീയ പ്രതിശീർഷ വരുമാനം :
2019 – 6,650 ഡോളർ
2020 – 6,107 ഡോളർ
2021 – 6,590 ഡോളർ
ചില പ്രത്യേക സാധനങ്ങളുടെ വില ഉപയോഗിച്ചുകൊണ്ട്, വിവിധ രാജ്യങ്ങളിലെ കറൻസികളുടെ സമ്പൂർണ വാങ്ങൽ ശേഷി താരതമ്യം ചെയ്യാൻ ഉപയോഗിക്കുന്ന സംവിദാനമാണ് പി. പി. പി.
ലിംഗ വികസന സൂചിക
മാനവവികസനത്തിന്റെ മൂന്ന് അടിസ്ഥാന നേട്ടങ്ങളിലെ ലിംഗ വ്യത്യാസങ്ങൾ അളക്കുന്നതാണ് ലിംഗ വികസന സൂചിക. ഇത് ഒരു രാജ്യത്തെ സ്ത്രീയുടെയും പുരുഷന്റെയും മാനവ വികസന സൂചിക അനുപാതമാണ്
ഇന്ത്യയിലെ ലിംഗ വികസന സൂചികാ മൂല്യം :
2019 – 0 .852
2020 – 0 . 845
2021 – 0 . 849
ഇന്ത്യയുടെ ലിംഗ വികസന സൂചിക 2020 ലെ 0.845ൽ നിന്നും 2021 ൽ 0.849 ആയി ഉയർന്നതായി കാണാം. രാജ്യത്തെ ലിംഗ വ്യത്യാസം 0.105 ൽ നിന്ന് 0.101 ആയി കുറഞ്ഞതാണ് ഈ വർദ്ധനവിന് കാരണം. എന്നിരുന്നാലും ഇന്ത്യയുടെ ലിംഗ വികസന സൂചിക ഇപ്പോഴും ആഗോള നിരക്കായ 0.958 ന് താഴെയാണ്.
