ഇ.ഡബ്ല്യു.എസ് റിസർവ്വേഷനിലൂടെ ദലിത്-ഒ.ബി.സി വിഭാഗങ്ങളുടെ ക്വാട്ട കുറയില്ല എന്നത് ശുദ്ധ അസംബന്ധമാണ്. നേരത്തേ തന്നെ മെറിറ്റ് അട്ടിമറിക്കപ്പെട്ട് തങ്ങളുടെ സംവരണ ക്വാട്ട പോലും ബാക്ക് ലോഗിലുള്ള പിന്നാക്ക വിഭാഗങ്ങൾക്ക് ജനറൽ കാറ്റഗറിയിൽ കോംപിറ്റ് ചെയ്യാനുള്ള അവസരമാണ് നഷ്ടപ്പെടുന്നത്. പരമാവധി പത്തു ശതമാനം വരെ എന്നതിൻ്റെ ഏറ്റവും ഉയർന്ന അവസ്ഥയിൽ തന്നെയാണ് കേരളത്തിൽ ഇ.ഡബ്ല്യു.എസ് റിസർവ്വേഷൻ കൊണ്ടു വന്നത്. കേരളത്തിലെ മുന്നാക്കക്കാരുടെ പിന്നാക്കവസ്ഥ എത്രെയന്ന് ഒരു സർവ്വേയും കണക്കെടുപ്പും സർക്കാർ നടത്തിയിട്ടില്ല. പിന്നെങ്ങനെയാണ് പത്ത് ശതമാനം തന്നെയാണ് അവരുടെ പിന്നാക്കാവസ്ഥ എന്ന സ്ഥിതിയിലേക്ക് സർക്കാരെത്തിയത്?
കേരളത്തിലെ സംവരണ വിവാദവും സച്ചാർ – പാലോളി കമ്മിറ്റിയും; ഒരു സമഗ്ര വിശകലനം എന്ന ലേഖനത്തിൻ്റെ അഞ്ചാം ഭാഗം
സർക്കാർ ജോലികളിലും ഉന്നതവിദ്യാഭ്യാസ സ്ഥാപനങ്ങളിലും പരമാവധി പത്തു ശതമാനം വരെ മുന്നാക്ക വിഭാഗങ്ങളിലെ പിന്നാക്കക്കാർക്ക് (EWS) സംവരണം നടപ്പാക്കാനുള്ള ഭരണഘടനാ ഭേദഗതി ബില്ലിന് രാഷ്ട്രപതി അംഗീകാരം നൽകിയത് 2019 ജനുവരി 13 നാണ്. ഏറെ വൈകാതെ തന്നെ കേരളത്തിലെ സർക്കാർ സർവ്വീസുകളിലും ഉന്നത വിദ്യാഭ്യാസ രംഗത്തും ഇ.ഡബ്ല്യു.എസിന് സംവരണം ഏർപ്പെടുത്തിക്കൊണ്ട് ഉത്തരവായി. സാമൂഹ്യ നീതിയെ സംബന്ധിച്ചിടത്തോളവും ഭരണഘടന ഉയർത്തിപ്പിടിക്കുന്ന തുല്യതയുമായി ബന്ധപ്പെട്ടും ഏറെ പ്രതിലോമകരവും നവോത്ഥാന സംരഭങ്ങളെ പല്ലിളിച്ചുകാട്ടുന്നതുമാണ് കേന്ദ്ര സംസ്ഥാന സർക്കാരുകളുടെ ഈ നീക്കം. ഇത് ഏതെങ്കിലും വിഭാഗങ്ങൾക്ക് സാമൂഹ്യനീതി ഉറപ്പാക്കാനല്ല. കാലങ്ങളായി ഭരണ തലങ്ങളിൽ ബഹുഭൂരിപക്ഷവും കരസ്ഥമാക്കി വച്ചിരിക്കുന്ന ജനസംഖ്യയിലെ ന്യൂനാൽ ന്യൂനപക്ഷമായ സവർണ്ണ വിഭാഗങ്ങളുടെ അധികാര പങ്കാളിത്തം ഇനിയും വർധിപ്പിക്കാനും ചരിത്രപരമായ കാരണങ്ങളാൽ ഏറെ പുറകിൽ നിർത്തപ്പെട്ട, ചാതുർ വർണ്യ ജാതിശ്രേണിയിൽ പിന്നിലായിപ്പോയ ദലിത്-പിന്നാക്ക ജനവിഭാഗങ്ങളെയും സാമൂഹ്യ പിന്നാക്കാവസ്ഥയിലുള്ള മുസ്ലിം സമൂഹത്തെയും അധികാര വിഭവ പങ്കാളിത്തത്തിൽ നിന്ന് ആട്ടിയകറ്റാനുമുള്ള ഗൂഢതന്ത്രം മാത്രമാണ്.
കേരളത്തെ സംബന്ധിച്ചിടത്തോളം ദേവസ്വം നിയമനങ്ങളിൽ നേരത്തേ തന്നെ സവർണ്ണ സംവരണം ഇടതു സർക്കാർ കൊണ്ടുവരികയും രാജ്യമാകെ സവർണ്ണ സംവരണം കൊണ്ടുവന്നു കാണിക്കാമോ എന്ന് സംഘ് പരിവാർ സർക്കാരിനെ ഇടതു നേതാക്കൾ തന്നെ വെല്ലു വിളിക്കുകയും ചെയ്തിട്ടുണ്ട്. കേന്ദ്രത്തിലെ ഭേദഗതി വന്നതോടെ വളരെ വേഗത്തിൽ തന്നെ ഇ.ഡബ്ല്യു.എസ് സംവരണം എന്ന ഓമനപ്പേരിലെ സവർണ്ണ സംവരണം കേരളം നടപ്പാക്കി. 2020 ഫെബ്രുവരി 12 ന് ഇ.ഡബ്ല്യു.എസ് റിസർവ്വേഷൻ ഉത്തരവ് ഇറങ്ങുമ്പോൾ ഇന്ത്യയിൽ ഉത്തർപ്രദേശിലും ഗുജറാത്തിലും മാത്രമാണ് ഇത് നടപ്പാക്കിയത്. ഉത്തർപ്രദേശിൻ്റെയും ഗുജറാത്തിൻ്റെയും രാഷ്ട്രീയ സ്വഭാവം എന്താണെന്ന് പ്രത്യേകം ശ്രദ്ധിക്കേണ്ടതുണ്ട്. കേരളം അതിനോടൊപ്പമാകാൻ പാടില്ലല്ലോ.
ഒറ്റപ്പെട്ട ചില കേന്ദ്രങ്ങളിൽ നിന്നല്ലാതെ കാര്യമായ എതിർപ്പൊന്നും ഇ.ഡബ്ല്യു.എസ് റിസർവ്വേഷൻ സംബന്ധിച്ച് കേരളത്തിലുണ്ടായില്ല. പല സംവരണ സമുദായങ്ങളും തങ്ങളുടെ ക്വാട്ട നഷ്ടപ്പെടാത്തതിനാൽ ഇ.ഡബ്ല്യു.എസിനെ എതിർക്കേണ്ടതില്ല എന്ന ഒത്തുതീർപ്പ് നിലപാടിലാണ് എത്തപ്പെട്ടത്. കേരള സർക്കാർ സംസ്ഥാനത്ത് ഇ.ഡബ്ല്യു.എസ് റിസർവ്വേഷൻ ഏർപ്പെടുത്തുന്നതിനുള്ള മാനദണ്ഡങ്ങൾ നിശ്ചയിക്കാൻ ഒരു കമീഷനെ 2019 മാർച്ചിൽ തന്നെ നിയോഗിച്ചിരുന്നു.
റിട്ട. ജഡ്ജി കെ ശശിധരൻനായർ ചെയർമാനും അഡ്വ. രാജഗോപാലൻനായർ അംഗവുമായ കമീഷൻ സംവരണത്തിനുള്ള മാനദണ്ഡങ്ങൾ ശുപാർശ ചെയ്തു. കുടുംബവരുമാന പരിധി നാല് ലക്ഷം രൂപയാണ് ഇ.ഡബ്ല്യു.എസിൻ്റെ പരിധി. കുടുംബത്തിന്റെ മൊത്തം വസ്തു പഞ്ചായത്തിൽ 2.5 ഏക്കറും മുനിസിപ്പാലിറ്റിയിൽ 78 സെന്റും കോർപറേഷനിൽ 50 സെന്റും കവിയരുതെന്നും നിർദേശിച്ചു. ഇത് അംഗീകരിച്ച് 2020 ഫെബ്രുവരി 12ന് സർക്കാർ ഉത്തരവിറക്കി. അതുപ്രകാരം വിദ്യാഭ്യാസ സ്ഥാപനങ്ങളിൽ നടപ്പാക്കാൻ യൂണിവേഴ്സിറ്റികൾക്കും വിദ്യാഭ്യാസ സ്ഥാപനങ്ങൾക്കും സർക്കാർ നിർദേശം നൽകി. നിയമനങ്ങളിൽ സാമ്പത്തിക സംവരണം നടപ്പാക്കാൻ കേരള സർവീസ് റൂളും കേരള സ്റ്റേറ്റ് സബോർഡിനേറ്റ് സർവീസ് റൂളും ഭേദഗതി ചെയ്യാനുള്ള തീരുമാനവും അതിവേഗം എടുത്തു. ഉദ്യോഗനിയമനത്തിലെ സാമ്പത്തിക സംവരണത്തിനുള്ള വിജ്ഞാപനം 2020 ഒക്ടോബർ 23ന് കേരള സർക്കാർ പുറപ്പെടുവിച്ചത്. ഇതിനിടയിൽ മുന്നാക്കക്കാരിലെ പിന്നാക്കാവസ്ഥ എത്രെയെന്നത് നിർണ്ണയിക്കാൻ ഒരു പഠനം പോലും സർക്കാർ നടത്താതെ പരമാവധി 10 ശതമാനം എന്നതിൻറെ ഉയർന്ന തോത് തന്നെയെടുത്തു.
ഇ.ഡബ്ല്യു.എസ് റിസർവ്വേഷനിലൂടെ ദലിത്-ഒ.ബി.സി വിഭാഗങ്ങളുടെ ക്വാട്ട കുറയില്ല എന്നത് ശുദ്ധ അസംബന്ധമാണ്. നേരത്തേ തന്നെ മെറിറ്റ് അട്ടിമറിക്കപ്പെട്ട് തങ്ങളുടെ സംവരണ ക്വാട്ട പോലും ബാക്ക് ലോഗിലുള്ള പിന്നാക്ക വിഭാഗങ്ങൾക്ക് ജനറൽ കാറ്റഗറിയിൽ കോംപിറ്റ് ചെയ്യാനുള്ള അവസരമാണ് നഷ്ടപ്പെടുന്നത്. പരമാവധി പത്തു ശതമാനം വരെ എന്നതിൻ്റെ ഏറ്റവും ഉയർന്ന അവസ്ഥയിൽ തന്നെയാണ് കേരളത്തിൽ ഇ.ഡബ്ല്യു.എസ് റിസർവ്വേഷൻ കൊണ്ടു വന്നത്. കേരളത്തിലെ മുന്നാക്കക്കാരുടെ പിന്നാക്കവസ്ഥ എത്രെയന്ന് ഒരു സർവ്വേയും കണക്കെടുപ്പും സർക്കാർ നടത്തിയിട്ടില്ല. പിന്നെങ്ങനെയാണ് പത്ത് ശതമാനം തന്നെയാണ് അവരുടെ പിന്നാക്കാവസ്ഥ എന്ന സ്ഥിതിയിലേക്ക് സർക്കാരെത്തിയത്?
പിന്നാക്കക്കാരുടെ എന്തെല്ലാം അവസരങ്ങളാണ് ഇ.ഡബ്ല്യു.എസ് റിസർവ്വേഷൻ വഴി നഷ്ടപ്പെട്ടത് എന്നറിയാൻ ഉന്നത വിദ്യാഭ്യാസ മേഖലയിലെ സംവരണക്കണക്കുകൾ പരിശോധിച്ചാൽ ബോധ്യമാകും. മെഡിക്കൽ പി.ജിക്ക് മുസ്ലിം റിസർവേഷൻ രണ്ട് ശതമാനവും ഈഴവ റിസർവേഷൻ മൂന്ന് ശതമാനവും ലത്തീൻ-പരിവർത്തിത ക്രൈസ്തവ-മറ്റ് പിന്നാക്ക ക്രൈസ്തവ വിഭാഗങ്ങൾക്ക് ഒരു ശതാമനവും മറ്റ് 65 ൽ അധികം വരുന്ന ഒ.ബി.സി വിഭാഗങ്ങൾക്കെല്ലാം കൂടി മൂന്ന് ശതമാനവും അടക്കം ആകെ പിന്നാക്ക സംവരണം ഒമ്പത് ശതമാനം മാത്രമായിരിക്കെ ഇ.ഡബ്ല്യു.എസ് സംവരണം പത്ത് ശതമാനമാണ്. ജനറൽ മെറിറ്റിൽ അപൂർവ്വമായി മാത്രം പ്രവേശനം ലഭിക്കുന്ന പിന്നാക്കക്കാരുടെ അവസരം കൂടി തട്ടിയെടുക്കുന്നതാണ് ഇത്. ആകെ മെഡിക്കല് പി.ജി സീറ്റുകളുടെ എണ്ണം 849 ആണ്. ഇതില് 427 സീറ്റുകള് മെറിറ്റില് പെടുന്നതാണ്. ഈഴവര്ക്ക് 3 ശതമാനമാണ് നല്കിയിരിക്കുന്നത് (13 സീറ്റ്), മുസ്ലിം: രണ്ട് ശതമാനം (9 സീറ്റ്), ലത്തീന്: ഒരു ശതമാനം, പിന്നാക്ക ഹിന്ദു: ഒരു ശതമാനം എന്നിങ്ങനെയാണ് കണക്ക്. എന്നാല് സവർണ്ണ സംവരണമായ (ഇ.ഡബ്ല്യു.എസ്) 10 ശതമാനം വരുമ്പോള് മുന്നാക്ക വിഭാഗക്കാര്ക്ക് മാത്രം 30 സീറ്റുകളാണ് അനുവദിക്കപ്പെടുക. അതായത് ആകെ ഒ.ബി.സി സീറ്റുകള് ഉള്ളതിനെക്കാള് കൂടുതല് സീറ്റുകള് സവർണ്ണ സംവരണത്തില് പെടുന്നവര്ക്ക് മാത്രം ലഭിക്കും. 30 ശതമാനം ഒ.ബിസി സംവരണം നൽകണമെന്ന പിന്നാക്ക കമ്മീഷൻ ശിപാർശ കേരള സർക്കാർ തള്ളുകയാണ് ചെയ്തത്.
കഴിഞ്ഞ വര്ഷത്തെ എം.ബി.ബി.എസ് പ്രവേശനത്തില് ജനറല് ക്വാട്ടയുടെ അവസാന റാങ്ക് 933 ആണ്. ഈഴവരുടെ അവസാന റാങ്ക്-1654, മുസ്ലിം- 1417, പിന്നാക്ക ഹിന്ദു- 1771, ലത്തീന് കത്തോലിക്ക-1943 എന്നിങ്ങനെയാണെങ്കില് മുന്നാക്ക വിഭാഗത്തില് 8416 ആണ് അവസാന റാങ്ക്. അതായത് ഒ.ബി.സി കാറ്റഗറിക്ക് ഉള്ളതിനെക്കാള് താഴ്ന്ന റാങ്കിലാണ് മുന്നാക്ക വിഭാഗത്തില്പ്പെട്ട വിദ്യാര്ത്ഥിയുടെ റാങ്ക് കഴിഞ്ഞ വർഷത്തെ പ്ലസ് വണ് പ്രവേശനം പരശോധിച്ചാലും ഈ വ്യത്യാസം കാണാം. പ്ലസ് വണിന് നീക്കി വെച്ച ആകെ സീറ്റുകള് 162,815 ആണ്. ഇതില് ആകെ സീറ്റിന്റെ പത്ത് ശതമാനമാണ് മുന്നാക്ക സംവരണം.
ഈഴവര്ക്ക് നീക്കി വെച്ചിരിക്കുന്നത് 9 ശതമാനം സീറ്റുകളാണ്. അതായത് 13,00,2 സീറ്റുകള്. മുസ്ലിം സംവരണം 8 ശതമാനമാണ്. അനുവദിക്കപ്പെട്ടിരിക്കുന്ന സീറ്റുകളുടെ എണ്ണം 11,31,3 ആണ്. എന്നാല് മുന്നാക്ക സംവരണത്തിലേക്ക് വരുമ്പോള് 16,71,1 സീറ്റുകളാണ് മാറ്റി വെച്ചിട്ടുള്ളത്.
ആകെ അനുവദിക്കപ്പെട്ട സീറ്റുകളായ 162,815 ന്റെ പത്ത് ശതമാനമാണ് സാമ്പത്തിക സംവരണമായി അനുവദിച്ചിട്ടുള്ളത്. അതായത് ആകെ സീറ്റുകളുടെ പത്ത് ശതമാനം നല്കിയാല് തന്നെ അനുവദിക്കേണ്ടത് 16,281 സീറ്റുകള്. എന്നാല് നിലവില് 16,711 സീറ്റുകളാണ് അനുവദിച്ചിരിക്കുന്നത്. അതായത് മാറ്റിവെക്കേണ്ട സീറ്റുകളേക്കാള് 430 സീറ്റുകള് അധികം.
നിലവിലുള്ള സംവരണ സംവിധാനത്തെ അട്ടിമറിക്കാത്ത തരത്തില് ഓപണ് ക്വാട്ടയില് നിന്നാണ് സംവരണ സീറ്റുകള് അനുവദിക്കുകയെന്നാണ് സര്ക്കാര് ആദ്യഘട്ടത്തില് പറഞ്ഞിരുന്നത്. അങ്ങനെയാണ് സംവരണം നടപ്പാക്കിയിരുന്നതെങ്കില് നിലവിലെ സംവരണ സംവിധാനത്തിന്റെ 48 ശതമാനം കഴിച്ച് 52 ശതമാനത്തില് നിന്നാണ് 10 ശതമാനം അനുവദിക്കേണ്ടത്. ഇപ്രകാരമായിരുന്നെങ്കില് അനുവദിക്കേണ്ട സീറ്റ് 84,663 ആണ്. ഇതല്ല നടപ്പാക്കപ്പെടുന്നത്. മുന്നോക്ക സംവരണത്തിലെ മുഴുവന് സീറ്റുകളും പരിഗണിച്ചിട്ടും 8,967 സീറ്റുകൾ ഒഴിഞ്ഞു കിടന്നു. അതിനർത്ഥം അപേക്ഷിച്ച മുഴുവൻ മുന്നാക്കക്കാർക്കും പ്രവേശനം കിട്ടിയിട്ടും അവരുടെ സീറ്റ് ബാക്കിയായി കിടക്കുന്നു. നിലവിലെ സംവരണങ്ങളെ ബാധിക്കാത്ത രീതിയില് ഓപണ് ക്വാട്ടയില് നിന്നുമുള്ള പത്ത് ശതമാനമായിരിക്കും സാമ്പത്തിക സംവരണമായി നടപ്പാക്കുക എന്നാണ് സര്ക്കാര് പറഞ്ഞിരുന്നത്.
എന്നാല്, ഇപ്പോള് നടപ്പാക്കപ്പെടുന്നത് ആകെയുള്ള സീറ്റുകളുടെ 10 ശതമാനമാണ്. ഉദ്യോഗസ്ഥ മേഖലയിലും ഇത്തരത്തില് തന്നെ നടപ്പാക്കപ്പെട്ടാല് പിന്നാക്ക വിഭാഗക്കാരെ ഇത് ബാധിക്കും. ഇപ്പോള് തന്നെ കേരളത്തില് 25 ശതമാനത്തിൽ താഴെ മാത്രം ജനസംഖ്യയുള്ള മുന്നാക്ക വിഭാഗക്കാരില് 45 ശതമാനത്തിന് മുകളില് സര്ക്കാര് ജീവനക്കാര് കേരളത്തിലുണ്ട്. ബാക്കി 75 ശതമാനത്തിലധികം വരുന്ന എസ്.സി, എസ്.ടി, ഒ.ബി.സി വിഭാഗക്കാര് 55 ശതമാനമേ വരുന്നുള്ളു. ഇതിന് പുറമേ സാമ്പത്തിക സംവരണം കൂടി നടപ്പാക്കുമ്പോള് മുന്നോക്ക വിഭാഗത്തില്പ്പെടുന്നവരുടെ ആനുപാതത്തില് വീണ്ടും വര്ധനവുണ്ടാകും.
കേന്ദ്ര സർക്കാരുകളോ കേരളത്തിലെ സര്ക്കാരുകളോ ആകട്ടെ ഇത്രകാലമായിട്ടും മുന്നോക്കക്കാരുടെ പിന്നാക്കവസ്ഥ നിര്ണയിക്കുന്നതില് കണക്കുകളൊന്നും പരിശോധിച്ചിട്ടില്ല. ഉദ്യോഗ വിദ്യാഭ്യാസ മേഖലകളിലെ സമുദായങ്ങളുടെ പ്രാതിനിധ്യം വെച്ച കണക്കുകൾ പുറത്ത് വിടണമെന്ന് കാലങ്ങളായി ഒ.ബി.സി വിഭാഗങ്ങളും ദലിത് വിഭാഗങ്ങളും ഉയർത്തുന്ന ആവശ്യമാണ്. അധികാരത്തിലുണ്ടായിരുന്ന സവർണ്ണ വാദികൾ ആ ആവശ്യത്തെ നിരാകരിച്ചിരുന്നു എന്ന് മാത്രമല്ല അവരന്ന് മെറിറ്റിനെപ്പറ്റിയായിരുന്നു വാചാലമായിരുന്നത്. എന്നാൽ ഇ.ഡബ്ല്യു,എസ് റിസർവേഷൻ എന്ന ഓമനപ്പേരിൽ സവർണ്ണ സംവരണം നടപ്പാക്കിയതോടെ മെറിറ്റ് വാദം വിഴുങ്ങുകയും ദലിത്-ഒ.ബി.സി വിഭാഗങ്ങളുടെ കട്ടോഫ് മാർക്കിനേക്കാൾ ഏറെ പിന്നിലുള്ള മുന്നാക്ക വിഭാഗക്കാർക്കും ഉദ്യോഗതലങ്ങളിലും ഉന്നത വിദ്യാഭ്യാസ കോഴ്സുകളിലും പ്രവേശനം ഉറപ്പാക്കുകയും ചെയ്തു.