Skip to content Skip to sidebar Skip to footer

ഇന്ത്യയിലെ തലമുറകളെ തകർക്കുന്ന ജാതി വിവേചനം  

“പോഷകാഹാരക്കുറവ്, ആവർത്തിച്ചുള്ള അണുബാധ, അപര്യാപ്തമായ മാനസിക സാമൂഹിക ഉത്തേജനം എന്നിവയാണ് കുട്ടികളുടെ വളർച്ച മുരടിപ്പിക്കുന്ന പ്രധാന കാരണം. ഇവയുടെ എല്ലാം മൂല കാരണം ദാരിദ്ര്യവുമാണ്.

ജാതി വിവേചനം ഇന്ത്യയിലെ കുട്ടികളുടെ വികസനത്തെയും വളർച്ചയെയും വലിയ തോതിൽ ബാധിക്കുന്നുണ്ടന്ന റിപ്പോർട്ട് കഴിഞ്ഞ ദിവസമാണ് സെന്റർ ഫോർ ഇക്കണോമിക് ഡാറ്റ ആന്റ് അനാലിസിസ് പുറത്ത് വിട്ടത്. ജാതി വിഭാഗങ്ങളെ തരം തിരിച്ച കുട്ടികളുടെ കണക്ക് പരിശോധിച്ചാൽ    പ്രായത്തിനനുസരിച്ചുള്ള വളർച്ചയില്ലായ്മ  കുട്ടികൾ നേരിടുന്നുവെന്നാണ് റിസേർച്ച് സെന്റെറിന്റ കണക്കുകൾ പറയുന്നത്. സവർണ്ണ കുട്ടികളെ ഇത് അത്രമേൽ  ബാധിക്കില്ലങ്കിലും ദളിത് കുട്ടികളെയാണ് ഇത് വലിയ രീതിയിൽ ബാധിക്കുന്നത്.

അഞ്ച് വയസ്സിന് താഴെയുള്ള വളർച്ചയെത്താത്ത കുട്ടികളിൽ ഏകദേശം മൂന്നിലൊന്നും ഇന്ത്യയിലാണ്. അവരുടെ പ്രായവുമായി താരതമ്യപ്പെടുത്തുമ്പോൾ, ഇത് വലിയൊരു  പ്രശ്നമാണ്. “പോഷകാഹാരക്കുറവ്, ആവർത്തിച്ചുള്ള അണുബാധ, അപര്യാപ്തമായ മാനസിക സാമൂഹിക ഉത്തേജനം എന്നിവയാണ് കുട്ടികളുടെ വളർച്ച മുരടിപ്പിക്കുന്ന പ്രധാന കാരണം. ഇവയുടെ എല്ലാം മൂല കാരണം ദാരിദ്ര്യവുമാണ്.

കുട്ടിക്കാലത്തെ മോശം ആരോഗ്യം പലപ്പോഴും കൗമാരത്തിലും നിലനിൽക്കാറുണ്ട്. ഭാവിയിൽ പല രോഗാവസ്ഥയ്ക്കും, മരണനിരക്ക് വർധിക്കാനും,  പകർച്ചവ്യാധികൾ പിടികൂടാനും, പഠന ശേഷി കുറയാനും മറ്റുപല പ്രശ്നങ്ങൾക്കും ഈ മുരടിപ്പ് കാരണമാകുന്നു.

അഞ്ചാം വയസ്സിൽ തന്നെ കഠിനമായി വളർച്ച മുരടിച്ച കുട്ടികൾക്ക്, 15 വയസ്സുള്ളപ്പോൾ 74% കൂടുതലായി മുരടിക്കാൻ സാധ്യതയുണ്ടന്നാണ് പഠനങ്ങൾ പറയുന്നത്. അതായത് കുട്ടിക്കാലത്തെ മുരടിപ്പ് വളരെ സ്ഥിരതയുള്ളതാണ്. കുട്ടിക്കാലത്തെ മുരടിപ്പ് ഗണിതപഠനത്തെയും മറ്റ് അക്കാദമിക് നേട്ടത്തെയും അവരുടെ വൈജ്ഞാനിക വളർച്ചയേയും ബാധിക്കുന്നു, ഇത് 15- 22 വയസ്സിലേക്ക് എത്തുമ്പോൾ വ്യക്തിപരമായ പല പ്രശ്നങ്ങളും ഉണ്ടാകാൻ കാരണമാകുന്നു. വികസിത രാജ്യങ്ങളിൽ നിന്നുള്ള ഗവേഷണ ഫലങ്ങൾ കാണിക്കുന്നത്, കുട്ടിക്കാലത്തെ വളർച്ചയില്ലായ്മ തൊഴിലിനെയും  വേതനത്തെയും ബാധിക്കുമെന്നാണ്.

ഇന്ത്യയേക്കാൾ ദാരിദ്ര്യം അനുഭവിക്കുന്ന ഉപ -സഹാറൻ ആഫ്രിക്കയിലെ  ശരാശരി 30 രാജ്യങ്ങളെ അപേക്ഷിച്ച് ഇന്ത്യയിലെ ശരാശരി മുരടിപ്പ് അവരെക്കാൾ എത്രയോ കൂടുതലാണ്. വിട്ടുമാറാത്ത പോഷകാഹാരക്കുറവിന്റെ പ്രകടനങ്ങളിലൊന്നാണ് വളർച്ചാ മുരടിപ്പ്. കാരണം കുട്ടികളുടെ ഉയരം സാധാരണയായി ദാരിദ്ര്യവുമായി ബന്ധപ്പെട്ടിരിക്കുന്നുണ്ട്. Caste based underdevelopment

ജാതിതിരിച്ചുള്ള വളർച്ചാ മുരടിപ്പ്  
 

ഒ.ബി.സി. വിഭാഗങ്ങളിൽ വളർച്ചാ മുരടിപ്പ്  37% ആണ്. എസ്. സി. എസ്ടി  51%വും, യുസി മുസ്ലീങ്ങൾക്ക് 57%വും ആണുള്ളത്. അതായത് കൂടുതൽ വളർച്ചാ മുരടിപ്പ്  കാണുന്നത് ഹിന്ദുക്കളിലാണ്. മാത്രമല്ല കുട്ടികളുടെ ഉയരത്തെ ബാധിക്കുന്ന അഞ്ച് പ്രധാന ഘടകങ്ങളുണ്ട്.  

  1. ടോയ്ലറ്റ് സൗകര്യമില്ലായ്മ 
  2. മാതാപിതാക്കളുടെ മൂലധനം
  3. ഭാരത്തിനനുസരിച്ചുള്ള  ഉയരം 
  4. വെൽത്ത് ഇൻഡക്സ് ഫാക്ടർ 
  5. സ്കോറിന്റ അസറ്റ് വ്യത്യാസങ്ങൾ 

ഇവയെല്ലാം ദാരിദ്ര്യവുമായി ബന്ധപ്പെട്ടു കിടക്കുകയാണ്. കാരണം ഉയരത്തിന്റ പ്രധാന ഘടകം പോഷകാഹാരക്കുറവാണ്. കുട്ടികൾക്ക് പോഷകാഹാരം വാങ്ങിക്കൊടുക്കാൻ ദരിദ്രരായ മാതാപിതാക്കൾക്ക് പൊതുവെ സാധിക്കാറില്ല. അതുകൊണ്ട് ഇത്തരമൊരു ദുരവസ്ഥ ഇല്ലാതാക്കാൻ ശ്രമിക്കേണ്ടത് ഭരണകൂടമാണ്. കാരണം കുട്ടികൾ ഭാവിയുടെ വാഗ്ദാനങ്ങളാണ്.

Leave a comment

Get notified on latest updates.

You can unsubscribe anytime.

Factsheets © 2024. All Rights Reserved.

2020 നവംബർ ഇരുപത്തിനാല് മുതൽ നടന്ന കർഷക പ്രതിഷേധത്തിനിടെ മരണമടഞ്ഞ എല്ലാ കർഷകരുടെയും പട്ടിക ഉൾക്കൊള്ളുന്ന ഒരു ബ്ലോഗിന്റെ വിശദാംശങ്ങൾ സമരക്കാർ പുറത്തുവിട്ടുണ്ട്. ബ്ലോഗ് ആഴ്ചതോറും അപ്‌ഡേറ്റ് ചെയ്യുന്നുമുണ്ട്. ബ്ലോഗിൽ പങ്കുവെച്ച കണക്കുകൾ അനുസരിച്ച്, 537 പേരാണ് ഇതുവരെ മരിച്ചിട്ടുള്ളത്.

2021 ജൂലൈ 22ന് ദൽഹി ജന്തർമന്ദറിൽ ഇരുനൂറ് പേർ സമരം ആരംഭിച്ചതോടെ, ജനദ്രോഹ നിയമങ്ങൾക്കെതിരായ കർഷക പ്രക്ഷോഭം പുതിയ ഘട്ടത്തിലേക്ക് പ്രവേശിച്ചിരിക്കുന്നു. 21 ന് ബുധനാഴ്ച്ച ലഭിച്ച പൊലീസ് അനുമതിയോടെ ഇരുനൂറ് പേരടങ്ങുന്ന കര്‍ഷകരുടെ സംഘമാണ് ഇപ്പോൾ ജന്തര്‍ മന്തറില്‍ സമരം തുടരുന്നത്. യോഗേന്ദ്ര യാദവ്, ശിവകുമാര്‍ കക്കാജി, ഹനന്‍മല്ലേ തുടങ്ങിയ പ്രധാന കര്‍ഷക നേതാക്കളെല്ലാം ജന്തര്‍ മന്തറിലെ പ്രതിഷേധത്തിന് എത്തി ചേര്‍ന്നിരുന്നു. ദിവസവും 200 കർഷകരാണ് ജന്തർ മന്തറിലേക്ക് വരുന്നത്. ബാക്കിയുള്ളവർ അതിർത്തിയിൽ പ്രതിഷേധം തുടരുന്നുണ്ട്.  വിജയം വരെ തുടരുന്ന പോരാട്ടമാണിതെന്ന് കർഷക പ്രക്ഷോഭ നേതാക്കൾ പറയുന്നു.

ജനദ്രോഹകരമായ കാര്‍ഷിക നിയമങ്ങള്‍ക്ക് എതിരെ നടക്കുന്ന കര്‍ഷകസമരം ദല്‍ഹിയുടെ അതിര്‍ത്തികളിലേക്ക് ഇരച്ചെത്തിയിട്ട് എട്ട് മാസത്തോളമായി. എന്നാൽ ഈ പ്രതിഷേധത്തിൽ എത്ര കർഷകർ മരിച്ചു എന്ന ചോദ്യത്തിന്, കണക്കുകൾ ലഭ്യമല്ല എന്ന മറുപടിയാണ്  കേന്ദ്ര സർക്കാർ നൽകിയത്. കേന്ദ്ര കൃഷി മന്ത്രി നരേന്ദ്ര സിംഗ് തോമർ ഒരു ചോദ്യത്തിന് നൽകിയ മറുപടി ഇതിൻ്റെ ഉദാഹരണമാണ്. 'പ്രക്ഷോഭത്തിനിടെ നടന്ന കർഷക മരണത്തെക്കുറിച്ചുള്ള' റിപ്പോർട്ട്‌ ചില എം.പിമാർ ജൂലൈ ഇരുപതിന് മന്ത്രി തോമറിനോട് ചോദിക്കുകയുണ്ടായി. 'പ്രതിഷേധത്തിനിടെ കർഷകർ മരിച്ചതായി ഒരു രേഖയുമില്ല, അതുകൊണ്ട് തന്നെ അത്തരം കുടുംബങ്ങൾക്ക് നഷ്ടപരിഹാരം നൽകാൻ നിർദ്ദേശമില്ല- ഇതായിരുന്നു ചോദ്യത്തിന് മറുപടിയായി അദ്ദേഹം പറഞ്ഞത്. ഗവൺമെൻ്റിൻ്റെ കൈയിൽ കണക്കുകളില്ലെങ്കിലും, എത്ര പേർക്ക് ഇതുവരെ ജീവൻ നഷ്ടപ്പെട്ടുവെന്ന് പഞ്ചാബിലെ ഓരോ കർഷകന്നും അവരുടെ കുടുംബങ്ങൾക്കും നന്നായി അറിയാം. 537 കർഷകരാണ് പ്രക്ഷോഭത്തിൽ ഇതുവരെ മരിച്ചതെന്നാണ് എസ്.കെ.എം പുറത്തിറക്കിയ പത്രക്കുറിപ്പിൽ പറയുന്നത്.

'കടുത്ത തണുപ്പ്, ചൂട്, മഴ, മറ്റ് അപകടങ്ങൾ എന്നിവ നേരിട്ടാണ് പാവം കർഷകർ മരിച്ചത്. എന്നാൽ, അതിന്റെ കണക്ക് പോലുമില്ലെന്ന് സർക്കാർ പറയുന്നുണ്ടങ്കിൽ എത്ര മനുഷ്യത്വമില്ലായ്മയാണ് അവർ കാണിക്കുന്നത്'! കർഷകർ ചോദിക്കുന്നു. ഇത് ശരിയാണ് എന്നതിൻ്റെ തെളിവുകളാണ് കഴിഞ്ഞ ദിവസം എസ്‌.കെ.എം പങ്കുവെച്ചത്.2020 നവംബർ ഇരുപത്തിനാല് മുതൽ നടന്ന കർഷക പ്രതിഷേധത്തിനിടെ മരണമടഞ്ഞ എല്ലാ കർഷകരുടെയും പട്ടിക ഉൾക്കൊള്ളുന്ന ഒരു ബ്ലോഗിന്റെ വിശദാംശങ്ങൾ അവർ പുറത്തുവിട്ടുണ്ട്. ബ്ലോഗ് ആഴ്ചതോറും അപ്‌ഡേറ്റ് ചെയ്യുന്നുമുണ്ട്. മരിച്ച കർഷകരുടെ ഫോട്ടോയും വിശദാംശങ്ങളും അടങ്ങികൊണ്ടാണ് ബ്ലോഗ് നിർമിച്ചിട്ടുള്ളത്.കർഷകരുടെ മരണത്തെക്കുറിച്ചുള്ള സമാനമായ അനുസ്മരണ പേജും ട്രോളി ടൈംസ് വെബ്‌സൈറ്റിൽ ലഭ്യമാണ്.

ശ്രീ മുക്തർ സാഹിബ് ജില്ലയിലെ ഭട്ടി വാല ഗ്രാമത്തിലെ കുൽവന്ത് സിംഗ്, അതിർത്തിയിൽ കർഷകരുടെ പ്രതിഷേധത്തിൽ തന്റെ മൂത്ത മകൻ ബോഹർ സിങ്ങിന്റെ വിയോഗത്തെ കുറിച് പറഞ്ഞത് ഇങ്ങനെയാണ്; 'സർക്കാരിന് എല്ലാം അറിയാം. അവരുടെ അടുത്ത് എല്ലാ രേഖകളുമുണ്ടെങ്കിലും അവർ അത് പുറത്ത് വിടില്ല. കാരണം, കർഷകരുടെ ത്യാഗവും അവരുടെ ന്യായമായ പ്രതിഷേധവും അംഗീകരിക്കാൻ അവർ ആഗ്രഹിക്കുന്നില്ല. അല്ലങ്കിൽ തയ്യാറാകുകയില്ല. ഒരു സെലിബ്രിറ്റി മരിക്കുകയോ, ഒരു വി.ഐ.പിയുടെ വീട്ടിൽ പ്രസവം നടക്കുകയോ ചെയ്താൽ, അതേ നേതാക്കൾ തന്നെയാണ് അവരുടെ സാന്നിധ്യം അവിടെ ഉറപ്പാക്കുന്നത്. പക്ഷേ, കർഷകരുടെ കാര്യം വരുമ്പോൾ അവർ ഞങ്ങളെ അവഗണിക്കുന്നു. അത്തരമൊരു ഹൃദയമില്ലാത്ത സർക്കാരിൽ ഞങ്ങൾക്ക് യാതൊരു പ്രതീക്ഷയുമില്ല'.

ഇതേ ജില്ലയിലെ മറ്റൊരു കർഷകനായ ബർകണ്ടി ഗ്രാമത്തിൽ നിന്നുള്ള ഗുർമിത് സിംഗിനും പറയാനുള്ളത് സമാന അനുഭവങ്ങളാണ്. അദ്ദേഹത്തിന്റെ ഏക മകൻ യാദ്വീന്ദർ സിംഗ് ജനുവരി 26ന് തിക്രി അതിർത്തിയിൽ നിന്ന് മടങ്ങിവരുന്ന സമയത്താണ് അപകടത്തിൽ മരിച്ചത്. പാർലമെന്റിൽ തോമറിന്റെ മറുപടിയിൽ പ്രകോപിതനായ ഗുർമിത് പറഞ്ഞത്,

'ഇത്തരമൊരു സർക്കാരിനെ പ്രതി ലജ്ജിക്കുന്നു' എന്നാണ്. എത്ര കർഷകർ മരിച്ചുവെന്ന് അവർക്ക് നന്നായി അറിയാം, പക്ഷേ, അവർ ഞങ്ങളെ മാനസികമായി ഉപദ്രവിക്കാൻ ആഗ്രഹിക്കുന്നു. എന്റെ വാർധക്യത്തിൽ എനിക്ക് ഏക പിന്തുണയാകേണ്ട എന്റെ മകനെയാണ് എനിക്ക് നഷ്ടപ്പെട്ടത്. അതോടെ ഞാൻ ആകെ തകർന്നുപോയി. എന്റെ മകന്റെ ത്യാഗത്തിനുള്ള പരിഹാരം മൂന്ന് കാർഷിക നിയമങ്ങളും റദ്ദാക്കുക എന്നതാണ്. കൃഷിക്കാർക്കുവേണ്ടിയാണ് എന്റെ മകൻ രക്തസാക്ഷിയായത്'.

ക്രൻതികരി കിസാൻ യൂണിയൻ പ്രസിഡന്റായ ഡോ. ദർശൻ പാൽ ദി വയറിനോട്‌ പറഞ്ഞത് ഇങ്ങനെയാണ്. 'എത്ര കർഷകർ പ്രക്ഷോഭത്തിൽ മരിച്ചു എന്ന് മോഡി സർക്കാറിന് അറിയില്ലങ്കിൽ, ഞങ്ങൾക്ക് സ്വന്തമായി കണക്കെടുക്കാൻ കഴിയും. വിവരങ്ങൾ ശേഖരിക്കാൻ സർക്കാരിന് ചില ഏജൻസികളെ നിയോഗിക്കാമായിരുന്നു, പക്ഷേ, അവർക്ക് വേണ്ടത് ആളുകളെ വഴിതെറ്റിക്കുയാണ്. ഓക്സിജന്റെ അഭാവം മൂലം മരണമൊന്നും സംഭവിച്ചിട്ടില്ലെന്ന് പാർലമെന്റിൽ പറഞ്ഞ ഒരു സർക്കാരിൽ നിന്ന് ഇതിനപ്പുറം എന്ത് പ്രതീക്ഷിക്കാം"! അദ്ദേഹം പറഞ്ഞു. പ്രതിഷേധത്തിൽ ഇതുവരെ എത്ര കർഷകർ മരിച്ചുവെന്ന് പോലും അറിയില്ലെങ്കിൽ ഇത് എങ്ങനെയുള്ള സർക്കാരാണെന്ന് മറ്റൊരു മുതിർന്ന എസ്‌.കെ.എം നേതാവ് ജഗ്ജിത് സിംഗ് ദല്ലേവാൾ ചോദിച്ചു. പ്രതിഷേധത്തിൽ രിച്ച എല്ലാ കർഷകരുടെയും  രേഖ ഞങ്ങൾ സൂക്ഷിച്ചിട്ടുണ്ട്. അത് പുറത്തുവിടും. അടിസ്ഥാനപരമായി, സർക്കാർ പൊതുജനങ്ങൾക്ക് വേണ്ടിയല്ല നിലനിൽക്കുന്നത്. മറിച്ച് അംബാനി, അദാനി തുടങ്ങിയ കോർപ്പറേറ്റുകൾക്ക് വേണ്ടിയാണ്” അദ്ദേഹം പറഞ്ഞു.

"മോദി സർക്കാരിന്റെ ഉദ്ദേശ്യം ആദ്യ ദിവസം മുതൽ തന്നെ മോശമാണ്. പാർലമെന്റിൽ അത്തരമൊരു പ്രസ്താവന ഇറക്കിയതിലൂടെ, കൃഷിക്കാരോടുള്ള തന്റെ സർക്കാരിന്റെ കടുത്ത മനോഭാവം തോമർ തെളിയിച്ചിട്ടുണ്ട്”-  അദ്ദേഹം കൂട്ടിച്ചേർത്തു.