Skip to content Skip to sidebar Skip to footer

വഖഫ് ബോർഡ് : സംസ്ഥാന സർക്കാറിനോട് കേരളം ചോദിക്കുന്നു

സർക്കാർ ഖജനാവിൽ നിന്ന് ശമ്പളം നൽകുന്ന എയ്ഡഡ് സ്കൂളുകളിലെ ആയിരക്കണക്കായ നിയമനങ്ങൾ പി.എസ്.സി വഴി നടത്താതെ, മുസ്ലിം വഖഫ് സ്ഥാപനങ്ങളുടെ വിഹിതം വഴി സ്വരൂപിച്ച ഫണ്ടിൽ നിന്ന് മാത്രം ശമ്പളം നൽകുന്ന വഖഫ് ബോർഡിലെ നിയമനം പി.എസ്.സി മുഖേന നടത്തണമെന്ന് പറയുന്നതിന്റ പിന്നിലും ചില ഒളിയജണ്ടകൾ നടക്കുന്നുണ്ടോ ?

വഖഫ് ബോർഡ് : സംസ്ഥാന സർക്കാറിനോട് കേരളം ചോദിക്കുന്നു

  1. സർക്കാർ ഖജനാവിൽ നിന്ന് ശമ്പളം നൽകുന്ന എയ്ഡഡ് സ്കൂളുകളിലെ ആയിരക്കണക്കായ നിയമനങ്ങൾ പി.എസ്.സി വഴി നടത്താതെ, മുസ്ലിം വഖഫ് സ്ഥാപനങ്ങളുടെ വിഹിതം വഴി സ്വരൂപിച്ച ഫണ്ടിൽ നിന്ന് മാത്രം ശമ്പളം നൽകുന്ന വഖഫ് ബോർഡിലെ നിയമനം പി.എസ്.സി മുഖേന നടത്തണമെന്ന് പറയുന്നതിൽ ദുരൂഹതയില്ലേ? എന്താണ് ഇതിന് പിന്നിലുള്ള ഒളിയജണ്ട?

2. 130ഓളം ഉദ്യോഗസ്ഥ തസ്തികകൾ മാത്രമുള്ള വഖഫ് ബോർഡിലെ നിയമനം പി.എസ്.എസിക്ക് വിടാൻ തീരുമാനിക്കുന്ന സംസ്ഥാന ഗവൺമെൻ്റ്, ആയിരക്കണക്കിന് തസ്തികകളുള്ള ദേവസ്വം ബോർഡിലെ നിയമനം പി. എസ്. സിക്ക് വിടാനുള്ള തീരുമാനം മുമ്പ് ഉപേക്ഷിച്ചത് എന്തുകൊണ്ടായിരുന്നു?

3. ഹൈന്ദവ സംഘടനകളുടെ ആവശ്യം അംഗീകരിച്ച്, ദേവസ്വം ബോർഡ് നിയമനങ്ങൾക്ക് പ്രത്യേക റിക്രൂട്ട്മെന്റ് ബോർഡ് രൂപീകരിച്ച പോലെ, മുസ്ലിം സമുദായത്തിൻ്റെ വഖഫ് ബോർഡിലെ നിയമനത്തിന് അത്തരമൊരു സംവിധാനം സാധ്യമാകാത്തത് എന്തുകൊണ്ട്? ഈ ഇരട്ടത്താപ്പ് അനീതിയല്ലേ?

4. അഞ്ച് ലക്ഷത്തിലധികം വരുന്ന സർക്കാർ നിയമനങ്ങളിൽ, രണ്ട് ലക്ഷം മാത്രമാണ് പി. എസ്. സി വഴി നടക്കുന്നത്. സർക്കാർ ശമ്പളം നൽകുന്ന എയ്‌ഡഡ്‌ സ്ഥാപനങ്ങൾ, യൂണിവേഴ്സിറ്റികൾ, അക്കാദമികൾ എന്നിവയിലെ നിയമനം പി.എസ്.സി വഴി നടത്താതെ, വഖഫ് ബോർഡ് ശമ്പളം നൽകുന്ന ഉദ്യോഗസ്ഥ നിയമനം ധൃതിപ്പെട്ട് പി.എസ്.സിക്ക് വിടുന്നത് എന്തുകൊണ്ട്? 

5. ഇസ്ലാമിക നിയമപ്രകാരം പ്രവർത്തിക്കുകയും അതിന് വേണ്ടിയുള്ള മതപരമായ ഫണ്ടിൽ നിന്ന് ശമ്പളം നൽകുകയും ചെയ്യുന്ന വഖഫ് ബോർഡിൽ, അത് പാലിക്കുന്ന മുസ്ലിം സമുദായാംഗങ്ങളെയാണ് ഉദ്യോഗസ്ഥരായി നിയമിക്കേണ്ടത് എന്ന് വഖഫ് ആക്റ്റിൽ പറയുന്നില്ലേ? പി.എസ്.സി നിയമനത്തിൽ ഇത് പാലിക്കുമോ?

6. പി. എസ്. സിനിയമനത്തിൽ മതം ഒരു മാനദണ്ഡം അല്ലെന്നിരിക്കെ മുസ്ലിംകളെ മാത്രമേ നിയമിക്കൂ എന്ന് സർക്കാർ നൽകുന്ന ഉറപ്പ് നിയമപരമായി നിലനിൽക്കുമോ? കോടതിയിൽ ഇത് തള്ളപ്പെടില്ലേ അങ്ങനെയെങ്കിൽ പി.എസ്.സി മാനുവൽ ഉൾപ്പെടെയുള്ള നിയമ പ്രശ്നങ്ങളുടെ പരിഹാരം എന്താണ്?

7. ഗവൺമെൻ്റിൻ്റെ വാക്ക് വിശ്വസിച്ച്, വഖഫ് ബോർഡിൽ മുസ്ലിംകളെത്തന്നെ പി. എസ്. സി വഴി നിയമിച്ചാൽ, 10-12% വരുന്ന പി. എസ്. സിയുടെ മുസ്ലിം സംവരണത്തെ അത് പ്രതികൂലമായി ബാധിക്കില്ലേ? അത് വിവേചനവും അനീതിയുമല്ലേ?


8. കേരളത്തിലെ വഖഫ് ബോർഡിനെ ഇന്ത്യയിലെതന്നെ ഏറ്റവും മികച്ചതായി കണ്ടെത്തിയ ജോയിൻ്റ് പാർലമെൻ്റ് കമ്മിറ്റിയുടെ അന്വേഷണ റിപ്പോർട്ടുകൾ സംസ്ഥാന സർക്കാർ തള്ളിക്കളയുകയാണോ? 


9. പി.എസ്.സീ നിയമനങ്ങളിലെ സുതാര്യത സംശയകരമാകുന്ന അഴിമതി ആരോപണങ്ങൾ നിലനിൽക്കുമ്പോൾ, അഴിമതി ആരോപണങ്ങളുടെ പേരിൽ വഖഫ് ബോർഡ് നിയമനങ്ങൾ പി. എസ്. സിക്ക് വിടുന്ന നടപടി പ്രഹസനമല്ലേ? 

10. കേരളത്തിലെ വഖഫ് സ്വത്ത് അന്യാധീനപ്പെടുന്നതിൽ, ഭൂപരിഷ്കരണം വലിയ പങ്കുവഹിച്ചിട്ടുണ്ട് എന്ന വിമർശനം പ്രധാനമാണ്. ഇത് പരിഹരിക്കാതെ അന്യാധീനപ്പെട്ട വഖഫ് സ്വത്ത് തിരിച്ചുപിടിക്കാനാണ് ഉദ്യോഗസ്ഥ നിയമനം പി.എസ്.എസിക്ക് വിടുന്നത് എന്ന് പറയുന്നത് ശരിയാണോ? 

11. വഖഫ് ബോർഡിന് അനുവദിച്ചിട്ടുള്ള സർക്കാർ ഗ്രാൻഡുകൾ നൽകാത്തത് എന്തുകൊണ്ട്? വഖഫ് ട്രിബ്യൂണൽ ഉണ്ടാക്കുന്നതിന്റെ ഉത്തരവാദിത്വം ഗവൺമെൻ്റിനാണ് എന്നിരിക്കെ അതിനുള്ള തുക വഖഫ് ബോർഡിൽ നിന്ന് കടം എടുത്തത് എന്തിന്? കടം വാങ്ങിയ അമ്പത്തിയാറ് ലക്ഷത്തോളം രൂപ സർക്കാർ വഖഫ് ബോർഡിന് തിരിച്ചു നൽകിയോ? 

12. വഖഫ് ബോർഡ് നിയമനങ്ങൾ പി.എസ്.സി മുഖേനയാക്കാനുള്ള തീരുമാനത്തിനെതിരെ ഭൂരിപക്ഷം മുസ്ലിം സംഘടനകളും എതിർപ്പ് പ്രകടിപ്പിച്ചിരിക്കെ, എല്ലാ സംഘടനകളെയും പങ്കെടുപ്പിച്ച ഒരു ചർച്ചക്ക് സർക്കാർ എന്തുകൊണ്ട് തയ്യാറാവുന്നില്ല? ഈ വിഷയം ഉപയോഗിച്ച് മുസ്ലിം സംഘടനകൾക്കിടയിൽ ഭിന്നിപ്പ് ഉണ്ടാക്കാൻ ശ്രമിക്കുകയാണോ?

Leave a comment

Get notified on latest updates.

You can unsubscribe anytime.

Factsheets © 2024. All Rights Reserved.

2020 നവംബർ ഇരുപത്തിനാല് മുതൽ നടന്ന കർഷക പ്രതിഷേധത്തിനിടെ മരണമടഞ്ഞ എല്ലാ കർഷകരുടെയും പട്ടിക ഉൾക്കൊള്ളുന്ന ഒരു ബ്ലോഗിന്റെ വിശദാംശങ്ങൾ സമരക്കാർ പുറത്തുവിട്ടുണ്ട്. ബ്ലോഗ് ആഴ്ചതോറും അപ്‌ഡേറ്റ് ചെയ്യുന്നുമുണ്ട്. ബ്ലോഗിൽ പങ്കുവെച്ച കണക്കുകൾ അനുസരിച്ച്, 537 പേരാണ് ഇതുവരെ മരിച്ചിട്ടുള്ളത്.

2021 ജൂലൈ 22ന് ദൽഹി ജന്തർമന്ദറിൽ ഇരുനൂറ് പേർ സമരം ആരംഭിച്ചതോടെ, ജനദ്രോഹ നിയമങ്ങൾക്കെതിരായ കർഷക പ്രക്ഷോഭം പുതിയ ഘട്ടത്തിലേക്ക് പ്രവേശിച്ചിരിക്കുന്നു. 21 ന് ബുധനാഴ്ച്ച ലഭിച്ച പൊലീസ് അനുമതിയോടെ ഇരുനൂറ് പേരടങ്ങുന്ന കര്‍ഷകരുടെ സംഘമാണ് ഇപ്പോൾ ജന്തര്‍ മന്തറില്‍ സമരം തുടരുന്നത്. യോഗേന്ദ്ര യാദവ്, ശിവകുമാര്‍ കക്കാജി, ഹനന്‍മല്ലേ തുടങ്ങിയ പ്രധാന കര്‍ഷക നേതാക്കളെല്ലാം ജന്തര്‍ മന്തറിലെ പ്രതിഷേധത്തിന് എത്തി ചേര്‍ന്നിരുന്നു. ദിവസവും 200 കർഷകരാണ് ജന്തർ മന്തറിലേക്ക് വരുന്നത്. ബാക്കിയുള്ളവർ അതിർത്തിയിൽ പ്രതിഷേധം തുടരുന്നുണ്ട്.  വിജയം വരെ തുടരുന്ന പോരാട്ടമാണിതെന്ന് കർഷക പ്രക്ഷോഭ നേതാക്കൾ പറയുന്നു.

ജനദ്രോഹകരമായ കാര്‍ഷിക നിയമങ്ങള്‍ക്ക് എതിരെ നടക്കുന്ന കര്‍ഷകസമരം ദല്‍ഹിയുടെ അതിര്‍ത്തികളിലേക്ക് ഇരച്ചെത്തിയിട്ട് എട്ട് മാസത്തോളമായി. എന്നാൽ ഈ പ്രതിഷേധത്തിൽ എത്ര കർഷകർ മരിച്ചു എന്ന ചോദ്യത്തിന്, കണക്കുകൾ ലഭ്യമല്ല എന്ന മറുപടിയാണ്  കേന്ദ്ര സർക്കാർ നൽകിയത്. കേന്ദ്ര കൃഷി മന്ത്രി നരേന്ദ്ര സിംഗ് തോമർ ഒരു ചോദ്യത്തിന് നൽകിയ മറുപടി ഇതിൻ്റെ ഉദാഹരണമാണ്. 'പ്രക്ഷോഭത്തിനിടെ നടന്ന കർഷക മരണത്തെക്കുറിച്ചുള്ള' റിപ്പോർട്ട്‌ ചില എം.പിമാർ ജൂലൈ ഇരുപതിന് മന്ത്രി തോമറിനോട് ചോദിക്കുകയുണ്ടായി. 'പ്രതിഷേധത്തിനിടെ കർഷകർ മരിച്ചതായി ഒരു രേഖയുമില്ല, അതുകൊണ്ട് തന്നെ അത്തരം കുടുംബങ്ങൾക്ക് നഷ്ടപരിഹാരം നൽകാൻ നിർദ്ദേശമില്ല- ഇതായിരുന്നു ചോദ്യത്തിന് മറുപടിയായി അദ്ദേഹം പറഞ്ഞത്. ഗവൺമെൻ്റിൻ്റെ കൈയിൽ കണക്കുകളില്ലെങ്കിലും, എത്ര പേർക്ക് ഇതുവരെ ജീവൻ നഷ്ടപ്പെട്ടുവെന്ന് പഞ്ചാബിലെ ഓരോ കർഷകന്നും അവരുടെ കുടുംബങ്ങൾക്കും നന്നായി അറിയാം. 537 കർഷകരാണ് പ്രക്ഷോഭത്തിൽ ഇതുവരെ മരിച്ചതെന്നാണ് എസ്.കെ.എം പുറത്തിറക്കിയ പത്രക്കുറിപ്പിൽ പറയുന്നത്.

'കടുത്ത തണുപ്പ്, ചൂട്, മഴ, മറ്റ് അപകടങ്ങൾ എന്നിവ നേരിട്ടാണ് പാവം കർഷകർ മരിച്ചത്. എന്നാൽ, അതിന്റെ കണക്ക് പോലുമില്ലെന്ന് സർക്കാർ പറയുന്നുണ്ടങ്കിൽ എത്ര മനുഷ്യത്വമില്ലായ്മയാണ് അവർ കാണിക്കുന്നത്'! കർഷകർ ചോദിക്കുന്നു. ഇത് ശരിയാണ് എന്നതിൻ്റെ തെളിവുകളാണ് കഴിഞ്ഞ ദിവസം എസ്‌.കെ.എം പങ്കുവെച്ചത്.2020 നവംബർ ഇരുപത്തിനാല് മുതൽ നടന്ന കർഷക പ്രതിഷേധത്തിനിടെ മരണമടഞ്ഞ എല്ലാ കർഷകരുടെയും പട്ടിക ഉൾക്കൊള്ളുന്ന ഒരു ബ്ലോഗിന്റെ വിശദാംശങ്ങൾ അവർ പുറത്തുവിട്ടുണ്ട്. ബ്ലോഗ് ആഴ്ചതോറും അപ്‌ഡേറ്റ് ചെയ്യുന്നുമുണ്ട്. മരിച്ച കർഷകരുടെ ഫോട്ടോയും വിശദാംശങ്ങളും അടങ്ങികൊണ്ടാണ് ബ്ലോഗ് നിർമിച്ചിട്ടുള്ളത്.കർഷകരുടെ മരണത്തെക്കുറിച്ചുള്ള സമാനമായ അനുസ്മരണ പേജും ട്രോളി ടൈംസ് വെബ്‌സൈറ്റിൽ ലഭ്യമാണ്.

ശ്രീ മുക്തർ സാഹിബ് ജില്ലയിലെ ഭട്ടി വാല ഗ്രാമത്തിലെ കുൽവന്ത് സിംഗ്, അതിർത്തിയിൽ കർഷകരുടെ പ്രതിഷേധത്തിൽ തന്റെ മൂത്ത മകൻ ബോഹർ സിങ്ങിന്റെ വിയോഗത്തെ കുറിച് പറഞ്ഞത് ഇങ്ങനെയാണ്; 'സർക്കാരിന് എല്ലാം അറിയാം. അവരുടെ അടുത്ത് എല്ലാ രേഖകളുമുണ്ടെങ്കിലും അവർ അത് പുറത്ത് വിടില്ല. കാരണം, കർഷകരുടെ ത്യാഗവും അവരുടെ ന്യായമായ പ്രതിഷേധവും അംഗീകരിക്കാൻ അവർ ആഗ്രഹിക്കുന്നില്ല. അല്ലങ്കിൽ തയ്യാറാകുകയില്ല. ഒരു സെലിബ്രിറ്റി മരിക്കുകയോ, ഒരു വി.ഐ.പിയുടെ വീട്ടിൽ പ്രസവം നടക്കുകയോ ചെയ്താൽ, അതേ നേതാക്കൾ തന്നെയാണ് അവരുടെ സാന്നിധ്യം അവിടെ ഉറപ്പാക്കുന്നത്. പക്ഷേ, കർഷകരുടെ കാര്യം വരുമ്പോൾ അവർ ഞങ്ങളെ അവഗണിക്കുന്നു. അത്തരമൊരു ഹൃദയമില്ലാത്ത സർക്കാരിൽ ഞങ്ങൾക്ക് യാതൊരു പ്രതീക്ഷയുമില്ല'.

ഇതേ ജില്ലയിലെ മറ്റൊരു കർഷകനായ ബർകണ്ടി ഗ്രാമത്തിൽ നിന്നുള്ള ഗുർമിത് സിംഗിനും പറയാനുള്ളത് സമാന അനുഭവങ്ങളാണ്. അദ്ദേഹത്തിന്റെ ഏക മകൻ യാദ്വീന്ദർ സിംഗ് ജനുവരി 26ന് തിക്രി അതിർത്തിയിൽ നിന്ന് മടങ്ങിവരുന്ന സമയത്താണ് അപകടത്തിൽ മരിച്ചത്. പാർലമെന്റിൽ തോമറിന്റെ മറുപടിയിൽ പ്രകോപിതനായ ഗുർമിത് പറഞ്ഞത്,

'ഇത്തരമൊരു സർക്കാരിനെ പ്രതി ലജ്ജിക്കുന്നു' എന്നാണ്. എത്ര കർഷകർ മരിച്ചുവെന്ന് അവർക്ക് നന്നായി അറിയാം, പക്ഷേ, അവർ ഞങ്ങളെ മാനസികമായി ഉപദ്രവിക്കാൻ ആഗ്രഹിക്കുന്നു. എന്റെ വാർധക്യത്തിൽ എനിക്ക് ഏക പിന്തുണയാകേണ്ട എന്റെ മകനെയാണ് എനിക്ക് നഷ്ടപ്പെട്ടത്. അതോടെ ഞാൻ ആകെ തകർന്നുപോയി. എന്റെ മകന്റെ ത്യാഗത്തിനുള്ള പരിഹാരം മൂന്ന് കാർഷിക നിയമങ്ങളും റദ്ദാക്കുക എന്നതാണ്. കൃഷിക്കാർക്കുവേണ്ടിയാണ് എന്റെ മകൻ രക്തസാക്ഷിയായത്'.

ക്രൻതികരി കിസാൻ യൂണിയൻ പ്രസിഡന്റായ ഡോ. ദർശൻ പാൽ ദി വയറിനോട്‌ പറഞ്ഞത് ഇങ്ങനെയാണ്. 'എത്ര കർഷകർ പ്രക്ഷോഭത്തിൽ മരിച്ചു എന്ന് മോഡി സർക്കാറിന് അറിയില്ലങ്കിൽ, ഞങ്ങൾക്ക് സ്വന്തമായി കണക്കെടുക്കാൻ കഴിയും. വിവരങ്ങൾ ശേഖരിക്കാൻ സർക്കാരിന് ചില ഏജൻസികളെ നിയോഗിക്കാമായിരുന്നു, പക്ഷേ, അവർക്ക് വേണ്ടത് ആളുകളെ വഴിതെറ്റിക്കുയാണ്. ഓക്സിജന്റെ അഭാവം മൂലം മരണമൊന്നും സംഭവിച്ചിട്ടില്ലെന്ന് പാർലമെന്റിൽ പറഞ്ഞ ഒരു സർക്കാരിൽ നിന്ന് ഇതിനപ്പുറം എന്ത് പ്രതീക്ഷിക്കാം"! അദ്ദേഹം പറഞ്ഞു. പ്രതിഷേധത്തിൽ ഇതുവരെ എത്ര കർഷകർ മരിച്ചുവെന്ന് പോലും അറിയില്ലെങ്കിൽ ഇത് എങ്ങനെയുള്ള സർക്കാരാണെന്ന് മറ്റൊരു മുതിർന്ന എസ്‌.കെ.എം നേതാവ് ജഗ്ജിത് സിംഗ് ദല്ലേവാൾ ചോദിച്ചു. പ്രതിഷേധത്തിൽ രിച്ച എല്ലാ കർഷകരുടെയും  രേഖ ഞങ്ങൾ സൂക്ഷിച്ചിട്ടുണ്ട്. അത് പുറത്തുവിടും. അടിസ്ഥാനപരമായി, സർക്കാർ പൊതുജനങ്ങൾക്ക് വേണ്ടിയല്ല നിലനിൽക്കുന്നത്. മറിച്ച് അംബാനി, അദാനി തുടങ്ങിയ കോർപ്പറേറ്റുകൾക്ക് വേണ്ടിയാണ്” അദ്ദേഹം പറഞ്ഞു.

"മോദി സർക്കാരിന്റെ ഉദ്ദേശ്യം ആദ്യ ദിവസം മുതൽ തന്നെ മോശമാണ്. പാർലമെന്റിൽ അത്തരമൊരു പ്രസ്താവന ഇറക്കിയതിലൂടെ, കൃഷിക്കാരോടുള്ള തന്റെ സർക്കാരിന്റെ കടുത്ത മനോഭാവം തോമർ തെളിയിച്ചിട്ടുണ്ട്”-  അദ്ദേഹം കൂട്ടിച്ചേർത്തു.